Қазақстан Республикасы Президентінің 2018 жылғы 9 қыркүйектегі №762 Жарлығымен «Түркістан қаласын Түркі әлемінің мәдени-рухани орталығы ретінде бас жоспары тұжырымдамасы бекітілді». Аталған бас жоспарға сәйкес, Мәдени-рухани орталығы құрылды.

Бұл аймақта XIX ғ. екінші жартысында (1864-1865жж.) салынған «Хилует» мешіті болған. Мешіт ғимараты алғашқы рет 1960 жылы бұзылып, орнына бір күмбезді жаңа мешіт бой көтерген. Кейіннен мешітке келушілердің көбейуіне байланысты 1980 жылы толық сүріліп, қайта салынған. 2020 жылы мешіт жарамсыз деп танылуына байланысты бұзылған.

Қазіргі таңда, бұл мешіттің Түркістан қаласында тарихи маңыздылығын ескере отырып, қайта салу және мешіт аумағында заманауи оқу орны – медресе, Құран қарилар дайындау орталығы салынуы жоспралануда.

Осыған орай, аталмыш жобаны жүзеге асыру мақсатында «Хилует» қайырымдылық қоры ашылды. Демеушілік білдіремін деген жандарға алдын ала алғысымызды білдіреміз.